വ്യാളിയും, വ്യാധിയും, രാമനും
''ലോകത്തിലെ ഏറ്റവും വലിയ രണ്ടു ശക്തികൾ- ക്ഷമയും സമയവുമാണ് " - ലിയോ ടോൾസ്റ്റോയി...
ചൈനയുടെ ഉത്പ്പന്നങ്ങൾ ബഹിഷ്കരിക്കുക, ചൈനയെ ഒറ്റപ്പെടുത്തുക, എന്നിങ്ങനെ വാക്കാൽ പറയുക എളുപ്പമാണെങ്കിലും പ്രാവർത്തികമാക്കുക കഠിനകരമായ ഒന്നു തന്നെയാണ്, സാധ്യമല്ലെന്ന് പറയുന്നതിലും ബുദ്ധിമുട്ടായിരിക്കുമെന്ന് പറയുന്നതാണ് ശരി. ഇന്ത്യ ചൈനയിൽ നിന്നും സാധനങ്ങൾ ഇറക്കുമതി ചെയ്തിരുന്നത് ദൃഢമായ ഒരു സൗഹൃദത്തിൻ്റെ പുറത്തായിരുന്നില്ല, മറിച്ച് കച്ചവടം മാത്രം ലക്ഷ്യമാക്കിയായിരുന്നു..ടിക്ക് ടോക്ക് അടക്കം 59 ചൈനീസ് ആപ്പുകൾ നിരോധിച്ച് ശക്തമായി പ്രതിഷേധിച്ചതു "മെയ്ഡ് ഇൻ ചൈന'' എന്ന ലേബൽ മാറ്റി ഇന്ത്യാ നിർമ്മിത ഉത്പ്പന്നങ്ങൾ മാർക്കറ്റിൽ സുലഭമായി വിറ്റുപോകുമെന്ന് പ്രതീക്ഷിച്ചായിരിക്കാം.., കുറഞ്ഞ ചെലവിൽ കൂടുതൽ മൂല്യങ്ങളുള്ള ഉത്പ്പന്നങ്ങൾ വിറ്റഴിക്കാൻ ചൈനയോളം വലിയൊരു ശക്തിയില്ലയെന്ന് അവർ തെളിയിച്ചതാണ്.., ബ്രിട്ടീഷ് ഭരണകാലത്ത് ആളിപടർന്ന ദേശസ്നേഹത്തിൻ്റെ ആദ്യപടിയായിരുന്നു 'സ്വദേശി മൂവ്മെൻ്റ് ', സ്വാതന്ത്ര്യം ലഭിച്ചു 74 വർഷങ്ങളായപ്പോൾ മാത്രമാണ് ഇന്ത്യാക്കാരൊന്നാകെ വീണ്ടും ഒരു സ്വദേശിവത്ക്കരണത്തിനു കച്ചകെട്ടുന്നത്... ഒരു ദിവസം കൊണ്ടോ, ഒരാഴ്ചകൊണ്ടാേേ നമുക്കത് സാധിക്കില്ല.അഭിനവ രാമൻമാർ ഈ അവസ്ഥയ്ക്കു പരിഹാരം കണ്ടെത്തുമെന്ന് പ്രത്യാശിക്കാം...
"We conquer,we kill... " എന്ന ചിന്തയിൽ നിന്നും "We all live" എന്ന ചിന്തയിലേക്കുള്ള ദൂരം കുറയുമെന്ന് വിശ്വസിക്കാം, യുദ്ധം വ്യാളിയുമായിട്ടാണോ,വ്യാധിയുമായിട്ടാണോ എന്ന് നമ്മൾ ഓരോരുത്തരും തീരുമാനിക്കേണ്ടിയിരിക്കുന്നു, നഷ്ടങ്ങൾ പരമാവധി കുറച്ചു കൊണ്ടു തന്നെ........
Comments
Post a Comment